Poème « Oraison pour la crèche »
Premier vers dans l’édition de référence ci-dessous : « Riches et pauvres sont enfants de Gayant… » ↓
Éditions du poème :
Éditions du poème dans des volumes de l’œuvre poétique de Desbordes-Valmore :
- « Oraison pour la crèche », Marc Bertrand. Les Œuvres poétiques de Marceline Desbordes-Valmore, tome 2, Grenoble : Presses universitaires de Grenoble, p. 608, 1973
- « Oraison pour la crèche », Marc Bertrand. Marceline Desbordes-Valmore, œuvre poétique, Lyon : Jacques André éditeur, p. 470-471, 2007
Édition du poème dans des anthologies de poèmes de Desbordes-Valmore :
- « Oraison pour la Crèche », Marceline Desbordes-Valmore. Poésies. Choix et notice par Oscar Colson. Bibliothèque francaise, Vol. LVI, Berlin : Internationale Bibliothek, p. 279-282, 1923
Autres éditions du poème :
- « Oraison pour la crèche », L’Indépendant, Douai, n° 81, p. 1-2, 1849-07-13
- « Oraison pour la crèche. À tous les belles nos Dames de Douay », Archives historiques et littéraires du nord de la France, et du midi de la Belgique, troisième série, tome 3, Valenciennes : au bureau des Archives, p. 55-58, 1852
- « Oraison pour la crèche », Marceline Desbordes-Valmore. Poésies en patois de Marceline Desbordes-Valmore, Douai : Delattre et Goulois, p. 18-22, 1896
- « Oraison pour crèche. À tous les belles dames de Douai », Arthur Pougin. La jeunesse de Mme Desbordes-Valmore, Paris : Calmann Lévy, p. 14-15, 1898
- « Oraison pour crèche. À tous les belles nos dames de Douay », La Vie douaisienne, Douai, p. 2, 1909-07-24
Enregistrement du poème lu :
- France Culture - « Chroniques sauvages » par Robert Arnaut, 3 janvier 1987 - extraits lu par des élèves de l’école Albert Thomas de Douai (1987)
Texte du poème (selon l’édition de Marc Bertrand de 1973) :
ORAISON POUR LA CRÈCHEÀ tous les belles nos dames de Douay
Riches et pauvres sont enfants de Gayant
Riches, donnez à vos frères...
Douq ! Douq ! ch’est pour chés p’tiots infans,
Rassennés din l’vill’ ed Gayant,
Comm’ des tiot’s maguett’s din chés camps.
Si j’étos eunn’ saquoi tranquille,
J’viendros canter l’cloqué d’no’ville ;
Mais ch’est fameus’mint difficile !
J’sus toudis comme un pauvre ogiau,
Les ail’s in bas sur un lugiau,
Sans nid, sans mouron, sans tourtiau !
J’ai l’cœur poché plus gros que m’tiette,
Et j’intinds dir’, quand on me r’wiette :
"On diro que s’n’âm’ fait queuette."
Pourtant, jusqu’au puits d’ Saint-Morand,
Capab’ d’incainner Juif-Errant,
Ch’l’oraison s’in va tout courant,
Tout flottant sur un fil d’la Vierge,
Jusqu’à Noter-dam’ sainte auberge
Duch’que chés femm’s brûl’t un blanc cierge.
Ch’l’oraison dit : Creatorum !
Jesus-Christous, Salve salvum !
M’nez-nous tertous à Te Deum !
Me v’là din Douay : salut et gloire !
Que l’sauveur vous tienn’ dins s’ mémoire,
Et much’ du pain plein vo armoire !
Douq ! Douq ! ch’est pour chés p’tiots infans,
Rassennés dins l’vill’ ed Gayant,
Comm’ des tiot’s maguett’ dins chés camps !
Donnez chouq’ vous pouvez, no’ dame :
Du chuque et d’z’œux, du bur, del flamme
Pour sauver vo’ corps et vo n’âme !
Donnez pour chés biaux innochins,
Pou leu mèr’ à trente-six pouchins ;
Ch’est vos frèr’ et vos p’tiots prochains.
Leu ma mèr’ ch’est l’ saint’ Vierg’ Marie,
Soufflant s’n âme à s’n infant qui crie ;
Tout l’jour all’ œuv’, tout l’soir all’ prie,
Comme un doux carillon tremblé,
Comme un coulon piquant du blé,
Pour cheus qui n’ont pa cor parlé !
Et tant plus vous donn’rez d’caignoles,
D’lang’ ourlés, d’amiteuss’ paroles,
Tant plus vous arez d’auréoles.
Cha f’ra fin bin sur vos ch’veux blonds,
Qui gnien a null’ part des si longs,
Sayant jusqu’à vos blancs talons !
Tant plus vous fil’rez d’lin et d’toiles,
Plus vos yeux bleus à raies d’étoiles
Brill’ront sous vos crol’s et vos voiles.
Ah ! mi ! j’ n’ai point gramint d’bonheur,
Mais j’ai des prièr’ plein min cœur,
Pour vous, Mesdamm’, et not’ Seigneur !
À vous donc, d’longs jours sans injures,
Les saluts, les mirlets d’eau pure,
Et jamais d’ rid’ à vos figures !
Grâce à vous, din des lits muchés,
Un vo chés p’tiots Jésus couchés,
Et les plus solents rapagés.
Honneur, à son d’cloque et d’aubade,
Aux accueilleux de m’n’imbassade,
A bouquett’ comme eun’ embrassade.
Les bonn’ dam’ ed Douai, je vous l’dis,
Iront tout rade in paradis
Avec des couronn’ ed’ rubis.
Qui vivra l’verra : no Madone
Priera tant Dieu, l’ seul qui pardonne,
Q’ nous n’f’rons tertous qu’eunn’ grand’ couronne.
Par Noter-Dam’ des Affligés,
L’z’orphelins n’ s’ront plus rencachés
Et chés pauv’ s’ront fin ben logés.
All’ coyette aux feux qu’on f’ra luire,
Gniara du café plein des buires
Et tant d’pain qu’on n’sara d’où l’cuire.
Dins ch’temps-là, tous chés p’tiots nounous,
F’ront leu communion à deux g’nous,
Pour vous bénir cor pus haut qu’nous !
V’là m’n’oraison d’ fleurs pour la crèche ;
Faut l’canter d’eunn’ voix jone et fraîche,
Qu’all’ mont’ dins l’ciel drot comme un’ flèche !
Douq ! Douq ! Ch’est pour chés p’tiots infans,
Rassennés dins l’vill’ ed’ Gayant,
Comm’ des tiott’ maguett’ dins chés camps.
Parmi toutt’ vos révolutions,
Gnia jamais d’ sang din vos sillons
Pour abouter vos grands layons !
V’là l’nœud, dit l’soyeux, v’là l’antienne !
Dieu command’ la paix ; faut qu’all’ vienne,
Et que l’mond’ intier s’in souvienne !
Ô Noter-Dam’ ! v’nez su’l’grand qu’min,
Avec tous vos ang’ par la main
Pour qu’la guerr’ s’en aille après-d’main !
Adieu, min Douay, bell’ vill’ sans tache,
D’vos gardins dû qu’min cœur s’rattache,
Gnia toudi quetcose qui m’rincache.
Signaler une erreur ou transmettre un commentaire
Votre nom et/ou votre adresse de courriel : Votre commentaire (les commentaires sont transmis à l'équipe d'administration du site mais ne sont pas affichés sur le site et ne donnent pas lieu à une réponse) :